“Арсенал” дарвозабони Давид Райа жароҳати сабаб сафдан чиқди. Испаниялик футболчи чоршанба кунги Лига Кубогида "Болтон" устидан қозонилган 5:1 ҳисобидаги ғалабани ўтказиб юборди ва "канонирлар"нинг шанба куни бўлиб ўтадиган "Лестер"га қарши навбатдаги Премьер-лига ўйинида ҳам қатнашмаслиги мумкин.
"У "Лестер"га қарши ўйнай оладими, билмаймиз. Унинг мушак жароҳати бор", деди "Арсенал" бош мураббийи.
Райа жорий мавсумда олтита жамоавий ўйинда қатнашиб, учта гол ўтказиб юборди ва тўртта ўйинда ўз дарвозаси дахлсизлигини сақлаб қолди.
