“Барселона” ҳужумчиси Роберт Левандовски жамоасининг Испания чемпионатидаги 6500-голини урди, деб хабар бермоқда клуб расмий сайти. Ҳужумчи Испания чемпионатининг 7-туридан ўрин олган “Хетафе”га қарши ўйинда (1:0) гол урди.

Лигадаги 3035 та ўйинда 6500 та гол киритилди, бу ҳар бир ўйинга ўртача 2,14 тадан тўғри келади. Бу вақт ичида "Барселона" ўз дарвозасидан 3362 та гол ўтказиб юборди. "Барселона" 6500 та гол урган биринчи клубга айланди, уларнинг энг яқин таъқибчиси "Реал"да ҳозирда 6499 та гол бор.

Айни дамда "Барселона" Испания чемпионати турнир жадвалида 21 очко билан пешқадамлик қилмоқда. Жамоа кейинги турда “Осасуна” билан тўқнаш келади.