Мураббий Маурицио Сарри Англия Премьер-лигасида иш топиши мумкин. Март ойида 65 ёшли мутахассис 2021 йилнинг ёзидан буён фаолият юритиб келаётган "Лацио"ни тарк этди.
Олти ойдан бери италиялик эркин агент бўлиб қолмоқда. Goal нашрининг хабар беришича, "Эвертон" Саррини таклиф қилиш имкониятини кўриб чиқмоқда.
Клуб раҳбарияти жамоа мавсумни омадсиз бошлаган Шон Дайчнинг узоқ муддатли истиқболига ишонч билдирмаяпти. Маурицио Сарри 2018-2019 йиллар оралиғида "Челси"даги фаолиятидан инглиз футболи билан таниш.
“Эвертон” 5 турдан кейин бир очко билан АПЛ турнир жадвалида 19-ўринда бормоқда.
