Диого Далот Криштиану Роналду билан мулоқот қилишнинг афзалликлари ҳақида гапирди.
"Манчестер Юнайтед" ва Португалия терма жамоаси ҳимоячиси Рио Фердинанд билан TNT Sports телеканалида суҳбатлашди. Хусусан, португалиялик форвард билан ўртасидаги ўхшашлик ҳақидаги саволга жавоб берди.
"Мен ундан кўп нарсани ўргандим ва сиз ҳам унга яқин эканлигингизни биламан.
Ҳар сафар у билан фикр алмашганимда, ўзимни бойроқ ҳис қиламан. Мен пул ҳақида гапирмаяпман, йўқ, у менга пул бермайди. Аммо шахсий даражада, агар у сиз билан ҳақиқатан ҳам самимий гаплашса, сиз ундан ўрганган янги нарсангиз билан исталган одамдан бойроқ бўласиз", деди Далот.
