Кувайтнинг www.alqabas.com.kw сайти ОФК президентлиги учун сайловида қайси ассоциациялар раҳбарлари қайси номзодга овоз берганини эълон қилди. Сайт маълумотларига кўра, Ўзбекистон футбол федерацияси президенти Мираброр Усмонов Юсуф ас-Серкалга овоз берган. Шунингдек, БААлик мутахассисга Ливан, Қатар, Яман, Эрон ва БАА вакиллари овоз беришган.

Яна бир номзод — таиландлик Ворави Макудига эса унинг қўшнилари — Камбожа, Индонезия, Лаос, Малайзия, Филиппин, Сингапур ва Таиланд футбол федерациялари раҳбари овоз беришган.

ОФКнинг етакчи мамлакатлари ҳисобланган Шарқий Осиё мамлакатлари, кўпгина араб мамлакатлари, Марказий Осиёнинг бошқа давлатлари Салмон бин Иброҳим учун овоз беришган. Сайловдан бир кун олдин саудиялик Ҳафиз ўз номзодини қайтариб олганидан кейин, унинг тарафдорлари ҳам Салмонга овоз беришган.

Ким кимга овоз берган?
Шайх Салмон бин Иброҳимга (33): Баҳрайн, Ироқ, Иордания, Кувайт, Уммон, Фаластин, Саудия Арабистони, Сурия, Афғонистон, Бангладеш, Бутан, Ҳиндистон, Қирғизистон, Мальдив ороллари, Непал, Покистон, Шри-Ланка, Тожикистон, Туркманистон, Австралия, Бруней, Шарқий Тимор, Мьянма, Вьетнам, Хитой, Хитой Тайпейи, КХДР, Гуам, Гонконг, Япония, Жанубий Корея, Макао, Мўғулистон
Ворави Макуди (7): Камбожа, Индонезия, Лаос, Малайзия, Филиппин, Сингапур, Таиланд
Юсуф Серкал (6): Ливан, Қатар, БАА, Яман, Эрон, Ўзбекистон.