Ҳужумчи Марио Балотелли Туркиянинг «Адана Демирспор» клубидан кетганидан сўнг бир неча ой давомида эркин агент бўлиб турибди. 34 ёшли италиялик футболчи фаолиятини Болгарияда давом эттириши мумкин. Маҳаллий "Topsport" нашри хабарига кўра, Балотелли бўйича музокараларни Софиянинг ЦСКА жамоаси олиб бормоқда.
Марио Балотелли фаолияти давомида кўплаб клубларда, жумладан, «Интер», «Манчестер Сити», «Милан» ва «Ливерпуль»да ўйнаган.
Форвард ўзининг оғир феъл-атвори билан танилган, шунинг учун у кўпинча интизомий муаммоларга дуч келган.
