"Аякс" ярим ҳимоячиси Жордан Хендерсон жамоадошининг ўйинидан норозилигини очиқ айтди.
34 ёшли инглиз футболчиси Бертран Траорени майдоннинг ярмида тўпни йўқотиб қўйганида уни айблаб, унга бақирди.
Футболчилар ўртасида кичик жанжал келиб чиқди. «Аякс» «Бешиктош»ни мағлуб этган (4:0) ўйин якунланганидан сўнг, «Ливерпул»нинг собиқ ярим ҳимоячиси Траоре билан бўлган воқеа ҳақида гапириб ўтди:
"Тўғрисини айтсам, йиллар давомида ўйнаган футболимни кўрган бўлсангиз, бу мутлақо нормал ҳолат. Бу футбол. Биз ғалаба қозонишни хоҳлаймиз, яхшироқ бўлишни хоҳлаймиз. Баъзида футболчилар бир-бирлари билан баҳслашадилар, лекин бу яхши, бу жамоани оёққа турғизади", - дея Хендерсоннинг сўзларини келтиради AFC Ajax.
