«Барселона» Марк Берналдан умидвор.
"AS" хабарига кўра, «блауграна» тез орада 17 ёшли ярим ҳимоячи билан шартномани 2029 йилгача узайтиради - бугун клуб Берналнинг ота-онаси билан биргаликда керакли ҳужжатларни расмийлаштирди. Янги келишув бўйича товон пули 20 дан 500 миллион еврога кўтарилади.
Қайд этилишича, «Барселона» Бернални Ламин Ямал ва Пау Кубарси билан бирга энг иқтидорли тарбияланувчиларидан бири деб билади. Ёш ярим ҳимоячи «янги Сержи Бускетс» сифатида кўрилмоқда.
Бернал айни дамда хочсимон боғлам ва менискус жароҳатидан даволанмоқда - унинг тикланишига бир йилча вақт кетади. Жорий мавсумда ярим ҳимоячи Ла Лиганинг учта учрашувида иштирок этди.
