«Ювентус» молиявий йил давомида 199,2 миллион евро зарар кўрган.
Ўтган молиявий йил билан солиштирганда зарар 75,5 миллион еврога ошган. «Юве» ҳисоботда бунга асосан жамоанинг еврокубокларда қатнашмаслиги таъсир қилганини таъкидлаган.
«Ювентус»нинг даромади 394,6 миллион еврони ташкил қилди. Ўтган молиявий йилда бу кўрсаткич 507,7 млн эди.
Қайд этилишича, клубнинг бешта турнирда, жумладан, Чемпионлар лигаси ва клублар ўртасидаги жаҳон чемпионатида иштирок этиши жорий молиявий йилдаги даромадларга ижобий таъсир кўрсатади.
