"ПСЖ" бош мураббийи Луис Энрике нима учун Ли Кан Ин жамоа учун муҳим эканини тушунтирди.
Жума куни жанубий кореялик футболчи парижликларга гол уриб, "Ренн"ни мағлуб этишда (3:1) ёрдам берди.
"Ли ниҳоятда кўп қиррали ва бизнинг ўйин услубимиз учун жуда муҳим бўлган сифатга эга: у ҳатто рақиблар қуршовида қолган бўлса ҳам тўпни йўқотмайди, босим остида тўпга эгалик қилишни сақлаб қолади.
У бугун ажойиб эди. Унинг голи - ақлли ҳужумчининг голи. Унинг ижроси менга жуда ёқди. У барқарор ўйнади, тўпни яхши узатди, дарвоза томон зарбалар берди ва керак бўлганда тўпни ушлаб турди. Ундан ажойиб ўйин, мен жуда мамнунман", - дея испаниялик мураббийнинг сўзларини келтиради PSJ Report.
