"Челси"нинг собиқ ярим ҳимоячиси, ҳозирда "Ноттингем Форест"да ўйнаётган Каллум Хадсон-Одои "Стэмфорд Бриж"да илиқ кутиб олинишга умид қилмоқда.
"Ўрмончилар" Англия Премьер-лигасининг 7-тури доирасида 6 октябрь куни "кўклар" билан меҳмонда ўйин ўтказади.
"Кейинги ҳафта "Стэмфорд Бриж"га қайтиш ажойиб бўлади – "Челси"ни тарк этганимдан бери у ерда бўлмаганман. Умид қиламанки, мухлислар мени хафа қилишмайди. Қанийди улар қарсак чалишса ёки шунга ўхшаш нарса қилишса.
Мен "Челси"ни жуда яхши кўраман, мен шу клубда ўсганман, лекин у ерга ҳам худди "Ливерпуль"га қарши ўйиндагидек муносабат билан борамиз. Умид қиламанки, биз уч очко оламиз", - дея Хадсон-Одоининг сўзларини келтиради MailSport.
