"Барселона" келаётган қишда Рональд Араухони сотишга тайёр.
Diario Sport хабарига кўра, каталонияликлар яхши таклифлар олса ёки ўзлари мос вариант топса, ҳимоячини трансфер имкониятини кўриб чиқади.
Футболчининг ўзи ҳозир бор эътиборини ёзда олган жароҳатидан фориғ бўлишга қаратган ва у қайтганидан кейин мавжуд вариантларни ўрганишга тайёр бўлади. Уругвайлик футболчи жамоа молиявий фейр-плей ҳолатини яхшилаши кераклигини тушунади. У соғлом футболчи учун маош чегарасидан фойдаланиш учун янги мавсум қайдномасига киритилмаганидан хафа бўлди.
Қайд этилишича, Араухо ва "Барселона" "совуқ уруш" ҳолатида. Ҳимоячи шартномани 2026 йилгача якунлаб қўйишга тайёр.
