"Челси"нинг ҳужумкор ярим ҳимоячиси Коул Палмер "Брайтон"га қарши ўйинда покер қайд этди.

Учрашув 4:2 ҳисобида якунланди ва "кўклар" ҳужумчиси ўз жамоасининг тўртта голини ҳам киритди. Squawka таъкидлаганидек, Палмер ўтган мавсум бошидан бери Премьер-лигада энг кўп гол урган ва ассистентлик қилган футболчилар рўйхатини бошқариб турибди - 43 та. 22 ёшли англиялик футболчи "Манчестер Сити" вакили Эрлинг Холанддан (42) ўзиб кетди. "Ливерпуль"дан Муҳаммад Салоҳ ва "Астон Вилла"дан Олли Уоткинс 36 тадан тўплаган ҳолда учинчи ўринни бўлишди.

Премьер-лиганинг жорий мавсумида Коул Палмер олтита ўйинда олтита гол ва тўртта голли узатмани амалга оширди.