"Барселона" бош мураббийи Ханс-Дитер Флик "Осасуна"га қарши ўйинда (2:4) мағлубият учун жавобгарликни ўз зиммасига олди.

Каталонияликлар германиялик мураббий қўл остида Ла Лигадаги аввалги эттита ўйиннинг барчасида ғалаба қозонишган, бироқ ғалабали серия шанба куни якунига етди.

"Агар сиз кимнидир айбламоқчи бўлсангиз, мени айбланг. Мен хатолар қилдим. Мен ўйинчиларни ортиқча чарчатдим, шунинг учун уларга дам бериш учун таркибни ротация қилишимиз керак эди.

"Янг Бойз"га қарши Чемпионлар лигаси ўйини яқинлашаётганидан жуда хурсандман. Биз [турнирдаги] биринчи ғалабамизни қўлга киритишимиз керак, аммо бу осон бўлмайди", - деди Флик "Осасуна" билан учрашувдаги муваффақиятсизликдан сўнг матбуот анжуманида.