"Ливерпуль" ҳужумчиси Муҳаммад Салоҳ АПЛнинг барча даврлардаги энг муваффақиятли футболчилари бешлигига яқинлашди.
Мисрлик футболчи шанба куни "Вулверхэмптон"га қарши ўйинда (2:1) пеналтидан ғалаба голини киритди. Opta хабарига кўра, Салоҳ 231 та голда қатнашган ҳолда "Манчестер Сити" афсонаси Серхио Агуэро билан тенглашмоқда. Рейтингда фақат Френк Лэмпард (237), Тьерри Анри (249), Харри Кейн (259), Раян Гиггз (271) ва Уэйн Руни (276) ундан юқорироқда жойлашган.
Муҳаммад Салоҳ "Ливерпул"да 2017 йилдан буён ўйнаб келмоқда. Жорий Англия чемпионатида 32 ёшли форвард олтита ўйинда тўртта гол урди ва тўртта голли узатмани амалга оширди.
