"Интер" бош мураббийи Симоне Индзаги "Удинезе"га қарши ўйин натижаларини сарҳисоб қилди.
А Сериянинг 6-турида “нерадзуррилар” 3:2 ҳисобида ғалаба қозонишди. Ўтган турда “Интер” дербида “Милан”га имкониятни бой берганди (1:2).
“Биз учта гол урдик, аммо яратган имкониятларимизни ҳисобга олсак, кўпроқ гол уришимиз керак эди. "Удинезе" икки марта жарима майдончасига кириб, икки марта гол урди.
Бугун эрталаб футболчиларимнинг кўзига қарадим ва бундай ўйин кўришимизга шубҳам йўқ эди. Мағлубиятдан кейинги ҳафта ["Милан"дан] қийин кечди, аммо мухлислар ҳар доимгидек кучли қўллаб-қувватлаш билан ўз ролини ўйнашди.
Биз бу мавсум А Серия қанчалик қийин эканлигини, ҳар бир ўйин қийин эканлигини кўрдик. Шундай экан, ҳужумларимизда кўпроқ фаол бўлишимиз керак", - деди Индзаги.
