"Барселона"нинг ҳужумкор ярим ҳимоячиси Френки де Йонг Каталония клубидаги юқори маоши, шунингдек, жароҳат олган тўпиғини операция қилишдан бош тортгани ҳақидаги хабарларни рад этди.
"Журналистлар мен ҳақимда жуда кўп гапиришди: операция қилишни истамаганим ва менга катта пул тўлашаётгани ҳақида. 37 миллион евро каби рақамлар бор эди. Аммо ҳақиқат бундан жуда узоқда. Мен барча карталаримни кўрсатишга тайёр эмасман, лекин бу рақамлар ҳақиқатдан йироқ. Кўп пул топаман, операциядан бош тортаман, машғулот ўтказмайман ва “таътилдаман” деб ўйлаганликлари учун хафа бўлганларни тушунаман, бироқ буларнинг барчаси ҳақиқатга тўғри келмайди", деди де Йонг.
