Шанба куни “Челси” ўз майдонида “Брайтон”ни Коул Палмернинг покери эвазига 4:2 ҳисобида мағлуб этди. Лондон жамоаси дарвозабони Роберт Санчес икки гол ўтказиб юборилган дақиқаларда хатоларга йўл қўйди.
"Биз иккита гол ўтказиб юбордик. Биринчи ҳолатда оддий хатолик юз берди. Бизда таваккал қилишнинг ҳожати йўқ эди, чунки ҳисоб 3:1 эди. Санчес ўйинни қуришда иштирок этмоқда, аммо хатолардан кейин жамоа худди шу руҳда ўйнашда давом этиши муҳим", - деди Мареска журналистларга.
"Челси" ҳозирда Премьер-лига турнир жадвалида 4-ўринни эгаллаб турибди.
