21-29 сентябрь кунлари Осиёнинг 10 та мамлакатида U-20 Осиё кубоги мусобақаси учун саралаш ўйинлари бўлиб ўтди. Якунда эса қитъа чемпионатига чиққан 16 жамоа номи аниқ бўлди. Фарҳод Нишонов бошқарувидаги Ўзбекистон ёшлар терма жамоаси ҳам "B" гуруҳида барча рақибларини мағлуб этиб, 12 очко билан йўлланмани қўлга киритди.
Ўзбекистон мазкур ёш тоифасида Осиё чемпиони ҳисобланади (Равшан Ҳайдаров бошқарувидаги жамоа 2023 йил юртимизда ўтказилган Осиё кубогида ғолиб чиққанди). Шунинг учун Ўзбекистон мусобақанинг финал босқичи учун ташланадиган қуръада 1-саватда бўлади. Шунингдек, 2025 йилги мусобақа мезбони Хитой ҳамда Ироқ, Япония ёшлар терма жамоалари ҳам бу саватдан ўрин олишди.
Мусобақа 2025 йилнинг 6-23 февраль куни Хитойда бўлиб ўтади. Унда юқори 4 та ўринни эгаллаган жамоалар Чилида ўтказиладиган Жаҳон чемпионати йўлланмасини қўлга киритади.
1-сават
Хитой
Ўзбекистон
Ироқ
Япония
2-сават
Жанубий Корея
Австралия
Эрон
Иордания
3-сават
Индонезия
Саудия Арабистони
Сурия
Қирғизистон
4-сават
Қатар
Таиланд
Яман
КХДР
ОФК қуръа ташлаш санасини ҳали эълон қилмади.
