Сентябрь ойи бошида "Милан"нинг сербиялик ҳужумчиси Лука Йовичга клуб энди унга ишонмаслиги ҳақида хабар берилганди. Энди эса футболчининг келажаги аста-секин ойдинлашмоқда - у катта эҳтимол билан кейинги трансфер ойнасида, яъни январда сотилади.
Йович хизматига даъвогар ҳам бор - "Вильярреал" раҳбарияти аллақачон футболчининг атрофидагилар билан алоқада. Шу билан бирга, аниқлик киритилишича, бу ишга бошқа даъвогарлар ҳам бор бўлса-да, айнан Йович "Вильярреал"га ўтмоқчи.
"Вильярреал" айни дамда Испания чемпионати турнир жадвалида олтинчи ўринни эгаллаб турибди.
