Бугун мамлакатимиз биринчилиги давом эттирилмоқда. Жумладан “Машъал” жамоаси сафарда “Регистон” жамоасига қарши майдонга тушди. Шуниси қувонарлики, улар кетма-кет 8-ғалабани қўлга киритишди.

Учрашувнинг 15-дақиқасида Ихтиёр Тошпўлатов учрашувдаги “Регистон” дарвозасига дастлабки голни киритди, 50 ва 75-дақиқаларда Жамшид Ҳасанов ва Зоҳир Қўзибоев ҳам биттадан гол киритишиб, ўз жамоасининг ғалабасини таъминлаб беришди.

Энг эътиборлиси, “Машъал” дарвозабони Санжар Қувватов ҳанузгача ўз дарвозасини ишончли қўриқлаб келмоқда, шу пайтгача рақиблар Санжар қўриқлаётган дарвозага йўл топа олишгани йўқ.

Шундай қилиб, “Машъал” жамоаси 8 турдан сўнг, 8 ғалабани қўлга киритиб, 24 очко билан “Ғарб” минтақаси турнир жадвалининг якка пешқадами бўлиб туришибди.

Ўзбекистон биринчилиги, 8-тур
“Регистон” – “Машъал”  0:3 (0:1)
Голлар: Ихтиёр Тошпўлатов 15, Жамшид Ҳасанов 50, Зоҳир Қўзибоев 75,