«Интер Майами» МЛСдаги сўнгги учта ўйинни дуранг билан якунлади, бу эса танқидларга сабаб бўлди. Жамоа бош мураббийи Херардо Мартино бу борада фикр билдирди.

«Биз йиллар давомида мағлуб жамоа эдик. Энди эса биз тез-тез ғалаба қозонадиган жамоамиз ва бу умидларни оширади. Айтиш жоизки, биз бу жамоа ҳақидаги тасаввурни ўзгартириш учун жуда кўп меҳнат қилдик, бундан ташқари, жароҳатлар ва ўйинчиларнинг терма жамоалар олдидаги масъулияти туфайли кўплаб таркиб ўзгаришларидан фойдаланишга мажбурмиз», - дея Мартинонинг сўзларини келтиради "Goal".

Қайд этиш керакки, «Интер Майами» таркибида бир қанча юлдуз футболчилар бор, хусусан, Лионель Месси.