Душанба куни Антуан Гризманн Франция терма жамоасидаги фаолиятини якунлаганини эълон қилди.
Бу ҳақда Килиан Мбаппе ижтимоий тармоқларда пост қолдирди. "Ажойиб футболчи Франция терма жамоасидаги фаолиятини якунлади.
Жамоамизнинг замонавий давридаги энг муҳим ўйинчилардан бири билан хайрлашдик. Бизга берган унутилмас хотиралар учун раҳмат.
Сиз кўп йиллар давомида бу жамоани ўзингиз билан олиб юрдингиз ва кўплаб унвонларни қўлга киритишга катта ҳисса қўшдингиз.
Баъзилар ҳозир тугатишга ҳали эрта деб ўйлашлари мумкин, лекин мен сизнинг қарорингизни тушунаман ва ҳурмат қиламан", - деди Мбаппе.
