«Манчестер Юнайтед» бош мураббийи Эрик тен Хаг ўз лавозимида ишлашда давом этади. Бу ҳақда инсайдер Фабрицио Романо ижтимоий тармоқлар орқали хабар берди.
Манбага кўра, «қизил иблислар» раҳбарияти мавсумнинг омадсиз бошланганига қарамай, нидерландияликни қўллаб-қувватламоқда.
Англия чемпионатининг сўнгги ўйинида «Манчестер Юнайтед» ўз майдонида Лондоннинг «Тоттенхэм» жамоасини қабул қилиб, йирик 0:3 ҳисобида мағлуб бўлди. Ушбу муваффақиятсизликдан кейин «қизил иблислар» етти очко билан турнир жадвалида атиги 13-ўринда бормоқда.
