ФИФА Камерун футбол ассоциацияси президенти Самуэль Это'Ога ўз мамлакатининг эркаклар ва аёллар терма жамоалари ўйинларига боришни тақиқлади.
ФИФА маълумотларига кўра, Это'О ташкилот интизом кодексини бузган. Баёнотда таъкидланишича, санкциялар унинг 2024 йил 11 сентябрь куни бўлиб ўтган ФИФА U-20 аёллар ўртасидаги Жаҳон чемпионати 1/8 финали доирасидаги Камерун ва Бразилия ўртасидаги ўйинда тажовузкор хатти-ҳаракатлари ва ҳалол ўйин тамойилларини бузгани билан боғлиқ.
Қарорга кўра, Это'О олти ой давомида Камерун эркаклар ва аёллар терма жамоаларининг барча ёш тоифаларидаги ўйинларига кела олмайди. У 2021 йилдан буён Камерун футбол федерациясини бошқариб келмоқда.
