Мадриднинг «Атлетико» клуби ва Испания терма жамоаси ҳимоячиси Робин Ле Норман «Реал»га қарши дербида жароҳат олди. Футболчи боши билан тўқнашув натижасида жароҳат олган. Ле Норман текширувдан ўтказилди ва унга бош мия жароҳати ташхиси қўйилди. Бу ҳақда «матрасчилар» матбуот хизмати хабар бермоқда.
«Ле Норман Мадрид дербисининг сўнгги дақиқаларида бошидан қаттиқ зарба олди, шу сабаб у бир қатор тестлардан ўтди ва мутахассислар томонидан кўрикдан ўтказилди ва у субдурал гематома билан мия травматик жароҳати олгани аниқланди», - дейилади клуб баёнотида.
«Атлетико»нинг таъкидлашича, Ле Норманни тиклаш жараёнида клуб ушбу турдаги жароҳатлар учун ишлаб чиқилган махсус протокол ва тавсияларга амал қилади.
