"ПСЖ" бош мураббийи Луис Энрике Чемпионлар лигаси умумий босқичи 2-тури доирасидаги "Арсенал"дан учралган мағлубият (0:2) ҳақида фикр билдирди.
"Меҳмонда ўйнаш ҳар доим қийин, айниқса "Арсенал" каби жамоага қарши. "Канонирлар" ғалаба қозонишга ҳақли эди. Улар биздан кўра кўпроқ вазиятлар яратишди, биринчи дақиқаларданоқ бизни жуда яхши прессинг қилишди ва биз буни уддалай олмадик. Биз тикланиб, бу мағлубиятдан сабоқ олиб, кейинги ўйинга тайёргарлик кўришимиз керак", — дея Энрикенинг сўзларини келтиради УЕФА расмий сайти.
