"Манчестер Юнайтед"нинг афсонавий бош мураббийи Сэр Алекс Фергюсон жамоанинг амалдаги бош мураббийи Эрик тен Хаг ишдан бўшатилган тақдирда унинг ўрнини эгаллаши мумкин бўлган мураббий номини айтди.
La Gazzetta dello Sport нашри хабарига кўра, Фергюсон "Ювентус"дан кетган Массимилиано Аллегри номзодини шахсан маъқуллаган. Қайд этилишича, шотландиялик афсона Аллегрини тен Хагнинг ўрнига идеал ўринбосар деб ҳисобламоқда.
Мақолада клуб раҳбарияти нидерландияликнинг келажаги борасида 2 ўйиндан сўнг бир қарорга келиши айтилган. "Интер" бош мураббийи Симоне Индзаги ҳам эҳтимолий номзодлар қаторида.
Тен Хагнинг четлатилиши мумкинлиги ҳақидаги миш-мишлар АПЛнинг 6-турида "Тоттенхэм"га қарши ўйинда (0:3) уйдаги шармандали мағлубиятдан сўнг фаол тарқала бошлади.
