"Manchester Yunayted"ning afsonaviy bosh murabbiyi Ser Aleks Fergyuson jamoaning amaldagi bosh murabbiyi Erik ten Xag ishdan bo‘shatilgan taqdirda uning o‘rnini egallashi mumkin bo‘lgan murabbiy nomini aytdi.
La Gazzetta dello Sport nashri xabariga ko‘ra, Fergyuson "Yuventus"dan ketgan Massimiliano Allegri nomzodini shaxsan ma’qullagan. Qayd etilishicha, shotlandiyalik afsona Allegrini ten Xagning o‘rniga ideal o‘rinbosar deb hisoblamoqda.
Maqolada klub rahbariyati niderlandiyalikning kelajagi borasida 2 o‘yindan so‘ng bir qarorga kelishi aytilgan. "Inter" bosh murabbiyi Simone Indzagi ham ehtimoliy nomzodlar qatorida.
Ten Xagning chetlatilishi mumkinligi haqidagi mish-mishlar APLning 6-turida "Tottenxem"ga qarshi o‘yinda (0:3) uydagi sharmandali mag‘lubiyatdan so‘ng faol tarqala boshladi.
