Сешанба оқшомида "Манчестер Сити" Чемпионлар лигаси доирасида "Слован"ни меҳмонда 4:0 ҳисобида мағлуб этди. Голлардан бирини ярим ҳимоячи Илкай Гюндоган киритди. "Шаҳарликлар" бош мураббийи Пеп Гвардиола футболчининг ўйини ҳақида фикр билдирди.

"Ҳа, бугун Гюндоган биз ундан кутган даражада ўйнади. У кучли менталитетга эга. У "Ньюкасл"га қарши ўйинда унчалик яхши натижа кўрсата олмади, бу унинг сўнгги саккиз-тўққиз йилдаги энг ёмон ўйинларидан бири эди, лекин бундай ҳолатлар рўй беради. Гюндоган ҳимоявий ярим ҳимоячи позициясида жуда ақлли. У ҳатто голсиз ҳам фантастик ўйин ўтказди" - деди Гвардиола журналистларга.