Мадриднинг "Реал" клуби бош мураббийи Карло Анчелотти EЧЛ доирасида "Лилль"га қарши ўйиндаги мағлубиятдан сўнг (0:1) журналистлар саволларига жавоб берди.
"Рақиб яхшироқ эди, биз яхшиланишимиз керак. Жамоамиз олдинга бораётгандек туюлди, аммо бугунги ўйин орқага қадам бўлди. Ҳозир нима бўлаётганини баҳолаш қийин - хулосалар совуқ бош билан чиқарилиши керак.
Бу мағлубият биз учун фойдали сигнал бўлиши мумкин. Бугун жуда ёмон ўйнадик. Бу ерда ҳеч қандай баҳона керак эмас - биз фақат яхшиланишимиз керак, бори шу", - дея Анчелотти сўзларидан иқтибос келтиради Madrid Zone.
