«Бавария» ҳужумчиси Харри Кейн Чемпионлар лигасининг умумий босқичининг иккинчи турида гол ура олмади, аммо тўпурарлар пойгасида етакчилигини сақлаб қолди.

31 ёшли инглиз футболчиси Венсан Компани шогирдларига Бирмингемда «Астон Вилла»дан (0:1) мағлубиятдан қутулиб қолишга ёрдам беролмади. Шунга қарамай, форвард Загребнинг «Динамо»сига (9:2) қарши биринчи тур учрашувидаги покер эвазига турнирнинг энг яхши тўпурари бўлиб қолмоқда.

Тўпурарлар рўйхатида иккинчи ўринни Карим Адейеми, Серу Гирасси (иккаласи ҳам «Боруссия Дортмунд»), Бенжамин Шешко («РБ Лейпциг») ва Абдалла Сима («Брест») бўлишиб турибди - учтадан гол.

Кейинги турда Харри Кейн «Бавария» таркибида «Барселона»га қарши сафарда ўйнайди - учрашув 23 октябрь куни бўлиб ўтади.