"Ливерпуль" бош мураббийи Арне Слот "мерсисайдликлар"даги рекорд ютуғи ҳақида фикр билдирди. Нидерландиялик мураббий ўзининг дастлабки тўққизта ўйинидан саккизтасида ғалаба қозонган тарихдаги биринчи мураббийга айланди.
"Бундай муваффақиятга эришганимдан хурсандман, чунки "Ливерпул"да мендан олдин кўплаб зўр мутахассислар ишлаган. Лекин мен фақат шу кўрсаткич билан эслаб қолишни хоҳламайман. Умид қиламанки, бундан ҳам кўпроқ ютуқларга эришаман", - деди Слот клуб матбуот хизматига.
Бир кун аввал "Ливерпуль" УЕФА Чемпионлар лигасининг 2-тури доирасида "Болонья"га қарши баҳс олиб борди. Слот жамоаси 2:0 ҳисобида зафар қучди.
