“Ювентус” марказий ҳимоячиси Глейсон Бремер тиззасидаги хочсимон пайлари йиртилгани сабаб сафдан чиқди.
27 ёшли футболчи чоршанба куни Чемпионлар лигаси доирасида "РБ Лейпциг"га қарши ўйинда эрта алмаштирилди.
Кейинроқ тиббий кўрикда бразилияликнинг тиззасининг олдинги хоч бўғимлари шикастлангани аниқланган. Футболчи жорий мавсум якунига қадар тикланишга улгурмаса керак.
"Бундай лаҳзада сўз топиш қийин. Афсуски, тиббий тестларнинг натижалари ёмон чиқди. Бу мен катта мотивация билан ёндошадиган вазифа.
Бу мен учун ўсиш ва аввалгидан ҳам кучлироқ бўлиб қайтишим учун имкониятдир. Олдинда узоқ тикланиш даври бор, бу даврда мен жамоани ташқаридан қўллаб-қувватлайман", — деб ёзди Бремер ижтимоий тармоқларда.
