"Атлетико Мадрид" расмий матбуот хизмати орқали ярим ҳимоячи Маркос Льорентенинг сафдан чиққанини тасдиқлади.
Кеча Чемпионлар лигаси доирасида "Бенфика"га қарши ўйинда (0:4) Льоренте биринчи бўлимнинг 33-дақиқасида майдонни тарк этди.
Аниқлик киритилишича, Льоренте сонидан жароҳат олган. Энди у спорт залида реабилитацияни кутмоқда.
Жорий мавсумда Льоренте "матрасчилар"нинг доимий ўйинчиси бўлиб, испан клуби сафида 10 та ўйинда майдонга тушиб, барча турнирларда икки марта гол урган ва иккита голли узатмани амалга оширган.
