CАS Дарвин Нуньеснинг Уругвай терма жамоасидаги дисквалификациясини тўхтатди.
"Ливерпуль" ҳужумчиси Уругвай ва Колумбия ўртасидаги Америка кубоги ярим финалида юз берган воқеалардан кейин КОНМEБОЛ санкциялари доирасида беш ўйинга дисквалификация қилинганди.
Эслатиб ўтамиз, Колумбиядан учралган мағлубиятдан сўнг (0:1) Уругвай терма жамоасининг бир неча ўйинчиси ва ходимлари трибунада мухлислар билан низо келтириб чиқарганди.
Футболчилар мухлисларга нисбатан жисмоний зўравонлик қўллашди, кейинроқ Дарвин Нуньеснинг оломонга стул ташламоқчи бўлган видео тасвирлари пайдо бўлди.
Уругвайлик журналист Родриго Романонинг ёзишича, CАS футболчига Уругвай терма жамоасининг октябрь ойидаги ўйинларида иштирок этишга рухсат берган.
Марсело Бьелса шогирдлари ЖЧ-2026 саралаши доирасида Перу ва Эквадор терма жамоаларига қарши майдонга тушади.
Ушбу чора вақтинчалик ҳисобланади. CAS'да суд жараёни ҳали ҳам давом этмоқда.
Сентябрь ойида Нуньес ўзи кутган бешта ўйиндан иккитасини ўтказиб юборди - Парагвай ва Венесуэлага қарши ўйинларда ҳам голсиз дуранг қайд этилган.
