"Рома" раҳбарларининг мураббий Иван Юричга саволлари бор.

49 ёшли мутахассис клубни сентябрь ойи ўрталарида Даниэле де Россининг истеъфосидан сўнг қабул қилиб олганди.

Сербиялик мураббий қўл остида жамоа барча турнирларда тўртта ўйин ўтказиб, иккита ғалабага эришди.

Европа лигасининг сўнгги ўйинида “Рома” Швециянинг “Эльфсборг” клубига 0:1 ҳисобида имкониятни бой берди.

Corriere dello Sport хабарига кўра, А Сериянинг навбатдаги турида 6 октябрь куни бўлиб ўтадиган "Монца" билан ўйин мураббий учун ҳал қилувчи бўлиши мумкин.

Қайд этилишича, қониқарсиз натижа бўлган тақдирда Юричнинг тақдири салбий томонга ҳам ҳал бўлиши мумкин.

Жамоа айни дамда А Серияда 6 ўйиндан сўнг 9 очко билан тўққизинчи ўринда бормоқда.