"Шарлотт"нинг собиқ ярим ҳимоячиси, ҳозирда "Кортрейк"да ўйнаётган Брехт Деягере "Интер Майами" сардори Лионель Месси билан суҳбати ҳақида гапирди.

"Финал ҳуштаги янграганидан сўнг, мен ундан қаерда ўзини яхши ҳис қилаётганини сўрадим - Майамидами ёки Францияда. У ҳайрон бўлди. Мен Тулузада бўлганимда унга қарши "Парк де Пренс"да ўйнаганимни айтдим. У мени эсламади ... лекин мен учун бу амалга ошган болалик орзуси эди.

Месси ҳар доим менинг севимли футболчим бўлган! У билан учрашиш ақл бовар қилмайдиган нарса эди... Ва ўша куни у менга "ПСЖ"да ўзини ёмон ҳис қилганини айтди. Чунки, парижликлар дастлаб уни яхши қабул қилишган бўлса, Чемпионлар лигасидаги муваффақиятсизликдан сўнг ҳар гал тўпга текканида ҳуштакбозлик қила бошлашди ва у бундан чарчади.

Менимча, ўша куни унга бир неча марта қўполлик қилганман. Аммо ўйиндан кейин мен унинг футболкасини сўрашга журъат эта олмадим: ҳар сафар юзга яқин одам ундан футболка сўраса, у бундан чарчайди..." деди Деягере RTBF билан суҳбатда.