"Арсенал"нинг собиқ ҳужумчиси Чидо Оби-Мартин "Манчестер Юнайтед"га ўтганини тасдиқлади.
Ўтган ёзда Оби-Мартиннинг "Арсенал" билан тузган шартномаси ўз ниҳоясига етди, у "Арсенал" тизимида икки йил ўйнади.
Чидо Лондон клубида қолишни истамади ва энди ўз ривожланишини "МЮ"да давом эттиради. "Қизил иблислар" Премьер-лигадан рухсат олганидан кейин 16 ёшли даниялик билан шартнома имзолади.
"Ушбу ажойиб клуб билан шартнома имзолаганимдан жуда хурсандман. Энди диққатимни жамлаш ва барча орзуларимни рўёбга чиқариш вақти келди. Шу ергача етиб келишимга ёрдам берган барчага раҳмат", - деб ёзди Оби-Мартин "Инстаграм" саҳифасида.
Эслатиб ўтамиз, Оби-Мартин ўтган йилнинг ноябрь ойида "Арсенал U-16" жамоаси учун "Ливерпул"даги тенгдошларига қарши ўйинда (14:3) 10 та гол урганида машҳур бўлган эди.
