Мадриднинг "Реал" клуби январь ойида Дани Карвахаль ўрнига футболчи сотиб олишни режалаштирмаяпти.
Олдинроқ, испаниялик ҳимоячининг "Вильярреал"га (2:0) қарши ўйинда жароҳат олгани сабабли, Мадрид клуби январь ойидаги трансфер ойнасида ўз таркибини кучайтирмоқчи эканлиги ҳақида маълумотлар пайдо бўлганди.
AS нашри манбаларга таяниб хабар беришича, "Реал Мадрид" ўнг қанот ҳимоячиси ўрнига фавқулодда футболчи қидирмаяпти, шунингдек, қишда марказий ҳимоячи ҳам сотиб олмоқчи эмас.
Қайд этилишича, жамоа Карвахаль ўрнига Лукас Васкесга тўлиқ ишонади ва ҳимоя марказида футболчи сотиб олиш дастлаб клуб учун устувор вазифа бўлмаган.
"Реал" Ла Лигада 9 турдан кейин 21 очко билан иккинчи ўринда бормоқда.
