Испания чемпионатида тўққизинчи тур ўйинлари бўлиб ўтмоқда. “Барселона” “Алавес” дарвозасига учта гол урди.

Иккинчи бўлимда жиддий жароҳатидан фориғ бўлган нидерландиялик ярим ҳимоячи Френки де Йонг майдонга тушди.

У "Барселона" сафида 215-учрашувини ўтказди ва бу кўрсаткич бўйича нидерландиялик футболчилар бешлигидан жой олди.

Бу ерда 292 та ўйин билан Филипп Коку пешқадам, иккинчи ўринда Рональд Куман бормоқда – 264 та баҳс.

Патрик Клюйверт "Барса" сафида 257 та, Майкл Рейзигер эса 255 та ўйинда майдонга тушган. Де Йонг эса "Барселона" сафида 215 та ўйинда майдонга тушган.