Франция чемпионати 7-туридан ўрин олган учрашувлар бўлиб ўтди. “Ланс” клуби “Страсбург” меҳмони бўлди.
Учрашувнинг 5-дақиқасидаёқ Нзола гол киритиб меҳмонларни олдинга олиб чиқди. 12-дақиқада Силла мувозанатни тенглаштирди. Диуф биринчи бўлимнинг сўнгги дақиқаларида тўп киритиб “Ланс” клубининг бўлимдаги устунлигини таъминлади. Диарра 60-дақиқада “Страсбург” ҳисобни тенглаштирди ва ушбу ҳисоб учрашувнинг сўнггигача сақланиб қолди.
Шу тариқа, “Ланс” чемпионатдаги 5-ўйинда дуранг ўйнади. Учрашувда Ўзбекистон миллий жамоаси ҳимоячиси Абдуқодир Ҳусанов тўлиқ ҳаракат қилди. Sofascore нашри ҳимоячининг ўйинини 7,1 баллга баҳолаган.
Франция чемпионатининг 7 туридан сўнг 6 ғалаба ва 1 дуранг қайд этган “Монако” етакчилик қилмоқда. Учрашувларнинг 2 тасида дуранг қайт этган “ПСЖ” иккинчи ўринда бормоқда.
