"Вулверхэмптон" бу мавсумни даҳшатли бошлади: етти турдан кейин клуб ўз ҳисобига бор-йўғи бир очко ёздириб қўйди ва охирги ўринда бормоқда. "Бўрилар" бош мураббийи Гари О'Нил жиддий босим остида ва мутахассиснинг ишдан бўшатилиши ҳақида миш-мишлар пайдо бўлди. "Вулверхэмптон" сардори Марио Лемина ўз мураббийини ҳимоя қилди ва жамоанинг ўйини борасидаги танқидларга жавоб қайтарди.
"Бизнинг ўйинимиз, ҳозир қандай ҳимоялансак, бизни қуйи лигага тушиб кетишига олиб келади ва биз ҳозир бу ҳақда ҳалол бўлишимиз керак. Йўқ, Гари муаммо эмас. У жуда яхши ишлаяпти. Агар муаммо Гари О'Нилда десангиз унда сиз ёлғончи ва фирибгарсиз, чунки у бизга олдин бўлмаган кўп нарсаларни берди, энди эса биз унга бу имкониятни қайтаришимиз керак, чунки ҳозирда бизда бундай имконият йўқ. Ўйлайманки, мухлислар ҳам уни жуда яхши кўришади. Режага содиқ бўлсак, бизда бор-йўғи битта очко бор, бу жуда ёмон, аммо ишончим комилки, халқаро танаффусдан сўнг биз бундан қайтишимиз мумкин, аммо биз ўзимизга ишонишимиз керак" - деди Марио Лемина BBCга берган интервьюсида.
Яна шуни қўшимча қилмоқчимизки, "Вулверхэмптон" навбатдаги ўйинини 20 октябрь куни ўз майдонида "Манчестер Сити"га қарши ўтказади.
