Жорий мавсумда "Жирона"да ижара асосида ўйнаётган Брайан Хиль жисмоний ноқулайлик туфайли Испания терма жамоасига ёрдам бермайди. Якуний қарор клуб шифокорлари ва Испания терма жамоаси ўртасидаги музокаралардан сўнг қабул қилинди.
Миллий терма жамоа бош мураббийи Луис де ла Фуэнте футболчини октябрь ойида бўлиб ўтадиган Миллатлар лигаси доирасида Дания ва Сербияга қарши ўйинга чақирди, аммо энди 23 ёшли Хиль клубда қолади.
Брайан Хиль аллақачон ўз мамлакати терма жамоасида ўйнаш тажрибасига эга. У терма жамоа таркибида 4та ўйин ўтказган. Жорий мавсумда Хиль клуб сафида барча мусобақаларда 11 та ўйин ўтказиб, битта гол урди.
