Мусобақа бош соврини америкалик Кори Гоффга насиб этди. Дунёнинг олтинчи ракеткаси бўлиб келган иқтидор эгаси ҳал қилувчи финал учрашувида WTA рейтингида 49-поғонада борган чехиялик Каролина Муховани ортиқча қийинчиликсиз мағлубиятга учратди - 6/1, 6/3.
Теннисчиларнинг ўзаро учрашувларидаги ҳисоб йириклашди - 3:0. Етмиш етти дақиқа давом этган баҳсда Гофф 6, Мухова 2 та эйс зарбасини амалга оширган. Қўшхатолар Корида кўпроқ бўлди - 5 га 3. Брейклар бўйича устунлик ҳам америкалик теннисчи томонида - 5 га 1.
Гофф мавсумдаги иккинчи, фаолитиядаги саккизинчи WTA совринини қўлга киритди. Бу унинг иккинчи WTA 1000 тоифасига кирувчи турнирдаги соврини бўлди. China Open турниридаги муваффақиятли иштирок Кори Гоффга 1000 рейтинг очкоси ҳамда 1 миллион 100 минг АҚШ доллари миқдоридаги мукофот пулини келтирди.
