Musobaqa bosh sovrini amerikalik Kori Goffga nasib etdi. Dunyoning oltinchi raketkasi bo‘lib kelgan iqtidor egasi hal qiluvchi final uchrashuvida WTA reytingida 49-pog‘onada borgan chexiyalik Karolina Muxovani ortiqcha qiyinchiliksiz mag‘lubiyatga uchratdi - 6/1, 6/3.
Tennischilarning o‘zaro uchrashuvlaridagi hisob yiriklashdi - 3:0. Yetmish yetti daqiqa davom etgan bahsda Goff 6, Muxova 2 ta eys zarbasini amalga oshirgan. Qo‘shxatolar Korida ko‘proq bo‘ldi - 5 ga 3. Breyklar bo‘yicha ustunlik ham amerikalik tennischi tomonida - 5 ga 1.
Goff mavsumdagi ikkinchi, faolitiyadagi sakkizinchi WTA sovrinini qo‘lga kiritdi. Bu uning ikkinchi WTA 1000 toifasiga kiruvchi turnirdagi sovrini bo‘ldi. China Open turniridagi muvaffaqiyatli ishtirok Kori Goffga 1000 reyting ochkosi hamda 1 million 100 ming AQSH dollari miqdoridagi mukofot pulini keltirdi.
