Лондоннинг “Челси” клуби ярим ҳимоячиси Чезаре Казадеи болалигида Италиянинг “Милан” клубини қўллаб-қувватлаганини тан олди. Эслатиб ўтамиз, ярим ҳимоячи “россонери”нинг асосий рақиби “Интер” тарбияланувчиси ҳисобланади.
"Болалигимда “Милан”ни қўллаб-қувватлаганман, менинг кумирим Кака эди. Профессионал футболчи сифатидаги биринчи клубим “Интер” бўлди. Улар мени сотишга қарор қилишди, лекин мен ҳеч қандай оғир туйғуларни ҳис қилмадим", - деб Казадеининг сўзларини келтирмоқда Tuttosport.
"Интер" 2022 йилда Казадеи учун "Челси"дан 12 миллион евро товон пули олган. Бу мавсумда Чезаре Англия Премьер-лигасида бирорта ҳам ўйин ўтказмади, лекин у Лига кубоги ва Конференциялар лигаси ўйинларида майдонга тушди.
