"Бавария" бош мураббийи Венсан Компани клубга қўшилганидан кейин ўз қоидаларини жорий қилди.

Бельгиялик мутахассис мавсум оралиғида Томас Тухель ўрнига бу лавозимни эгаллади. Sport Bild хабарига кўра, жамоада интизомни сақлаш мақсадида мутахассис кечикиш учун жазолаш тизимини ўзгартирган: Компани машғулотларга кеч қолган футболчилар учун пул жарималарини бекор қилди, лекин улар машғулот майдонида камида уч соат кўпроқ қоладилар - мураббийнинг ўзи у ерни тарк кетгунча.

Видеосессияга кечикканларга шунчаки рухсат берилмайди - жамоа уларсиз назарияни ўрганади.