Франция терма жамоаси ва "Челси" ҳужумчиси Кристофер Нкунку Қатардаги жаҳон чемпионатини қандай ўтказиб юборганини эслади.
Нкунку якуний таркибда бор эди, бироқ машғулотлар вақтида жароҳат олиб, терма жамоада ўйнамади. Ҳужумчининг ўзи ҳам тан олганидек, бу давр унинг учун энг қийин бўлган.
"Энг оғир давр мен жароҳат туфайли жаҳон чемпионатини ўтказиб юборганим эди. Бу жуда қийин давр эди. Психологик жиҳатдан буни қабул қилиш осон эмас эди. Аммо бу ҳолатлар мени кучлироқ қилди. Мен ўз танамни тушунишни, шунингдек, сабр ва матонатни ўргандим", - дея Нкунку сўзларини келтирмоқда GFFN.
