"Тоттенхэм"нинг собиқ ярим ҳимоячиси Райан Мэйсон "Андерлехт"ни бошқариши мумкин, деб хабар беради Sky Sports.
Манбага кўра, 33 ёшли англиялик бу лавозимга номзодлар рўйхатида бор, бироқ музокаралар ҳали бошланғич босқичда.
2017 йилнинг январида "Халл Сити"да ўйнаб юрган вақтида Мэйсон "Челси" ҳимоячиси Гэри Кэхилл билан тўқнашувдан сўнг бош суяги синган эди. Орадан бир йил ўтиб ярим ҳимоячи шифокорлар тавсияси билан 26 ёшида футболчилик фаолиятини якунлади.
2018 йилда Мэйсон мураббийлик фаолиятини "Тоттенхэм"да бошлаган. 2023 йилнинг апрель-июнь ойлари орасида у "шпорлар" асосий жамоаси бош мураббийи вазифасини бажарувчи сифатида 6 та ўйин ўтказди.
Мэйсон ҳозирда "Тоттенхэм" бош мураббийи Анжелос Постекоглунинг ёрдамчиси ҳисобланади.
